Воскресение Христово видевши:

Христос воскресе из мертвых, смертию смерть поправ, и сущим во гробех живот даровав

Ирмосы Пасхального канона:

Ирмос (Песни 1): Воскресения день, просветимся, людие. Пасха, Господня Пасха: от смерти бо к жизни и от земли к небеси Христос Бог нас преведе, победную поющыя.

Ирмос (Песнь 3): Приидите пиво пием новое, не от ќамене неплодна чудодеемое, но нетления источник, из гроба одождивша Христа, в Немже утверждаемся.

Ирмос (Песнь 4): На Божественней стражи, Богоглаголивый Аввакум да станет с нами, и покажет светоносна Ангела, ясно глаголюща: днесь спасение миру, яко воскресе Христос, яко всесилен.

Ирмос (Песнь 5): Утреннюем утреннюю глубоку, и вместо мира песнь принесем Владыце, и Христа узрим правды Солнце, всем жизнь возсияюща.

Ирмос (Песнь 6): Снизшел еси в преисподняя земли и сокрушил еси вереи вечныя, содержащыя связанныя, Христе, и тридневен я́ко от кита Иона, воскресл еси от гроба.

Ирмос (Песнь 7): Отроки от пещи избавивый, быв Человек, страждает яко смертен, и страстию смертное в нетления облачит благолепие, Един благословен отцев Бог и препрославлен.

Ирмос (Песнь 8): Сей нереченный и святый день, един суббот Царь и Господь, праздников праздник и торжество есть торжеств, воньже благословим Христа во веки.

Ирмос (Песнь 9): Светися, светися, новый Иерусалиме: слава бо Господня на тебе возсия. Ликуй ныне и веселися, Сионе, Ты же, Чистая, красуйся, Богородице, о востании Рождества Твоего.

Песнопения в исполнении хора Сретенского монастыря

© 2018, mlp.in.ua. Все права защищены. 

Запись опубликована в рубрике Новости. Добавьте в закладки постоянную ссылку.